طبعا من انا ؟
يمكن نفقد ذاكرتي يوم م الايام لسمح الله
مرات نموت و تقعد ذكرة للاهلي
اول شئ نبي نكتب معلومات ع روحي
طبعا كإختصار و كل شئ بنكتب عليه بتفاصيل
أنا بنت ـ عمري 18 ـ مواليد 96
مولوده في مدينه رأس لانوف ـ
عائلتي مكونه من 6 انفار
شابين و بعدها بنتين
امي مدرسة لغة عربيه ودين
و باتي مشرف في شركة رأس لانوف
تربيت لعند 16 سنه في رأس لانوف قريت فيها و تعلمت أساسياتي ف الحياة كلها ف راسكو
لكن كنا عائله منتقله جدا
يعني رأس لانوف عبارة عن مكان عمل و دراسه
لكن المكان المستقرين فيه بنغازي اعمامي و خوالي جدودي كلهم ف بنغازي
حوشنا ف بنغازي
طبعا انتقلنا لبنغازي رسميا ف 2 ثانوي مأساة بروها تو نحكي عليها بعدين
بعدها الحرب ف بنغازي ردينا لـرأس لانوف مؤقتا لكن زاد الوضع و نحن قاعدين ف زليتن توا
بسم الله الرحمن الرحيم انا فتحت المدونه هذي عشان نكتب فيها يومياتي طبعا مش حنقدر نكتبهن كل يوم لكن في حاجات ضروري نوثقهن بتفاصيلهن و في حاجات صايراتلي مواقف و احداث ضروري نكتبهنبس للذكرةوبسْ
